Skip to main content

Vitamines z’ingenzi mu kubungabunga amenyo yawe ndetse n’ishinya.



Isuku yo mu kanwa ni ingenzi mu kubungabunga amenyo yawe ndetse n’ishinya ariko ntabwo ari bwo buryo bwonyine wakoresha mu gihe ushaka kwirinda indwara zibasira ishinya n’amenyo. Rimwe na rimwe ibyo turya ntabwo biba byujuje intungamubiri zose ziba zikenewe ngo tugire amenyo n’ishinya bizira indwara. Mu rwego rwo kwirinda izo ndwara, ugomba kwibuka kugabanya amasukari n’ibiyakomokaho, ndetse ukagabanya kunywa ikawa cyane. Hari n’abandi bakoresha uburyo bwo kugura izo vitamines mu ma pharmacie kugira ngo bongere ingano zazo mu mubiri. Twifashishije urubuga rwa livestrong reka turebere hamwe ubwoko bwa za vitamines zikenewe n’umumaro wazo kugira ngo ugire amenyo n’ishinya yawe bizira indwara: 
Vitamine yo mu bwoko bwa C 
Mu rwego rwo gufasha ishinya yawe ngo ikire mu gihe yaba iva amaraso, Vitamine C ni ingenzi cyane. Ubu bwoko ni ingenzi mu gutuma ishinya yawe yahagarara kubyimba, ntitukure ngo ibe umutuku ndetse ntive amaraso. Burya mu mbuto no mu mboga harimo ibintu byitwa Bioflavonoids mu rurimi rw’icyongereza, iyo byiyongereye kuri ubu bwoko bwa vitamines, bifasha mu kurinda amenyo yacu kuba yahindura ibara ndetse no gucukuka. Vitamine C igufasha kugira ishinya imeze neza kuko yifitemo ubushobozi bwo kwica ibintu byashoboraga kuyangiza. Imbuto nk’indimu ziba zifitemo vitamine nyinshi zo muri ubu bwoko, ariko zikaba zifitemo za aside nyinshi zishobora gutuma amenyo yawe agenda ashiraho bitewe n’iyo aside. Ariko ushobora kubona izo vitamine uzikuye mu nkeri cyangwa ibijumba. 
Vitamine yo mu bwoko bwa A 
Vitamine A nayo ifasha mu gikorwa cyo kuvura ishinya irwaye. Ubu bwoko bufasha kugira ngo mu kanwa ndetse n’ishinya muri rusange bihore bihehereye. Iyo ubuze ubu bwoko cyangwa bukagabanuka bituma ujya mu byago byo kuba wagira indwara zitandukanye. Inyama, umwijima, amata n’ibiyakomokaho n’amagi biri mu bintu bikungahaye kuri Vitamine A. 
Vitamine yo mu bwoko bwa D 
Ingano ihagije ya Vitamine D ifasha mu kurwanya indwara z’ishinya. Ubu bwoko bufasha umubiri wacu kubona neza ingano ihagije y’imyunyungugu ya Karisiyumu (calcium), kuko iyo myunyungugu irakenewe cyane mu gukomeza no kubungabunga amenyo n’amagufa. Ahantu ushobora kubona izi vitamine ni imirasire y’izuba (iyo izuba rirashe ku ruhu rwawe, bituma iriya vitamine D iboneka kuko umubiri wari wifitemo ibintu byakora iriya vitamine ariko bigasaba ingufu z'iriya mirasire) ariko ushobora no kuyibona uyikuye mu mata n’ibiyakomokaho, amagi ndetse n’amafi. 
Vitamine yo mu bwoko bwa E 
Ubu bwoko nabwo bwica ibintu byashoboraga kwangiza umubiri wacu bityo igafasha ishinya yacu gukira vuba. Mu gihe umwana amera amenyo, ubu bwoko bufasha gukuraho udusebe ku ishinya. Bimwe mu bintu bikungahaye kuri iyi vitamine harimo imbuto z’ibihwagari, ubunyobwa ndetse n’umushongi w’inyanya nka za salsa na sorwatom. 
Vitamine yo mu bwoko bwa B 
Iyo ubuze ingano y’iyi vitamine mu mubiri, ushobora kugira ububabare mu menyo, ishinya yawe igashiraho, n’uburiwe bwo mu kanwa muri rusange. Aho wayibonera ni mu bihumyo, inyama n’amafi.
Mu gihe utitaye ku isuku ndetse n'imirire, kuva amaraso mu ishinya bishobora kujya bikubaho kenshi.
Ushobora kuva amaraso mu gihe woza mu kanwa cyangwa akava mu gihe icyo ari cyo cyose ashakiye.
Ni byiza kwita ku mafunguro dufata kuko ni ingenzi ku buzima bwacu.

Comments

Post a Comment

Popular posts from this blog

Ibintu 10 amenyo yawe ashobora kukubwira ku buzima bwawe.

Burya mu kanwa kawe hasobanura byinci, witegereje amenyo yawe ndetse n’ishinya yawe ushobora kubona bimwe mu bimenyetso byakwereka ko ushobora kuba urwaye zimwe mu ndwara aho twavuga nk’indwara ya kanseri y’ibihaha, indwara z’umutima, indwara irangwa no kwibagirwa burundu (dementia). Twifashishije The good life, reka turebere hamwe icyo ibibazo bimwe na bimwe bishobora kukubwira ku buzima bwawe: 1.        Diabetes yo mu bwoko bwa 2 Indwara ikomeye y’ishinya yitwa Periodontitis ishobora kuba kimwe mu bimenyetso bya Diabetes yo mu bwoko bwa 2, ugendeye ku bushakashatsi bwo muri Gashyantare 2017 . Abashakashatsi bakoreye abantu barenga 300 b’urubyiruko basanga bafite ibibazo by’ishinya, kimwe cya kane(1/4) cy’abantu bakorewe muri ubu bushakashatsi bo bari ku rwego rwo hejuru ko bashobora kuba bafite diabete bitewe n’umubyibuho ukabije bari bafite. Umuntu umwe muri batanu bari bafite indwara ya Periodontitis ariko ntabwo yari yaragaragaweho mbere indw...
Post a Comment
Read more

Impamvu ushobora kuribwa n’amenyo mu gihe uriye cyangwa unyoye ibikonje cyangwa ibishyushye.

Amenyo ari mu bice bigize akanwa kacu. Adufasha mu guhekenya ibiryo tuba turi kurya. Rimwe na rimwe tujya twisanga amenyo yacu aturya mu gihe turiye cyangwa tunyoye cyane cyane ibishyushye cyangwa ibikonje. Akenshi umuntu uzumva ataka akubwira ko adashobora kunywa ibintu byo muri firigo cyangwa nk’icyayi gishyushye, yewe hari n’umuntu uba udashaka kuvuga ku mugoroba cyangwa mu gitondo hakiri kare kugira ngo akayaga katirukankira mu menyo. Ubwo buribwe buba buri mu menyo buba butandunye n’ubwo umuntu agira mu gihe iryinyo rye ryacukutse. Twifashishije urubuga dental health tugiye kurebera hamwe icyibitera ndetse n’icyo wakora. Abantu bagira icyo kibazo cy’uburibwe Abantu benshi usanga bataka kubera icyo kibazo, kikaba gitangira akenshi iyo umuntu ageze hagati y’imyaka 20 na 40. Uretse ko bishobora gufata abari munsi yiyo myaka cyangwa abayirengeje cyane cyane abari hejuru ya za 70. Ubushakashatsi bugaragaza ko abagore bakunda kugira iki kibazo kuruta abagabo. Ni ibiki biter...
Post a Comment
Read more

Kuki abantu bagira ishinya z'amabara atandukanye?

Abantu twese ntitugira ishinya zisa, bamwe baba bafite izisa abandi zitandukanye. Ishinya ishobora gusa n'iroze ariko yarwara ikaba yahinduka igasa n'umutuku, umweru cyangwa umukara. Uzabibona kenci ko abantu bamwe bafite ishinya y’umukara bakunze guseka cyane. Abandi nabo ubona ko iyabo isa n’iroze ndetse n’umweru. Mu bihugu bimwe na bimwe kugira ishinya y’umukara bifatwa nkaho ari bimwe mu bintu biranga ubwiza, ariko ahandi ho ugasanga abo bantu bafite iyo shinya bafatwa nkaho ari indwara bafite. Hari ibintu byinci bishobora gutera ishinya guhindura ibara nubwo usanga rimwe na rimwe biba ari ibintu byatewe nuko umubiri wabo usanzwe uteye. Twifashishije imbuga nka watertower dental care ndetse na pulse live reka turebere hamwe bimwe muri byo. Ishinya y’umukara   Impamvu abantu bamwe bagira ishinya y’umukara, usanga biterwa nuko ishinya yabo yajemo melanin nyinci zikorwa na Melanocytes zo ziba ziri mu mubiri. Izo Melanin ubundi nizo zituma ishinya ndetse n’uruhu rwaw...
Post a Comment
Read more