Amenyo ari mu bice bigize akanwa kacu. Adufasha mu guhekenya
ibiryo tuba turi kurya. Rimwe na rimwe tujya twisanga amenyo yacu aturya mu
gihe turiye cyangwa tunyoye cyane cyane ibishyushye cyangwa ibikonje. Akenshi
umuntu uzumva ataka akubwira ko adashobora kunywa ibintu byo muri firigo
cyangwa nk’icyayi gishyushye, yewe hari n’umuntu uba udashaka kuvuga ku
mugoroba cyangwa mu gitondo hakiri kare kugira ngo akayaga katirukankira mu
menyo. Ubwo buribwe buba buri mu menyo buba butandunye n’ubwo umuntu agira mu
gihe iryinyo rye ryacukutse. Twifashishije urubuga dental health tugiye
kurebera hamwe icyibitera ndetse n’icyo wakora.
Abantu bagira icyo
kibazo cy’uburibwe
Abantu benshi usanga bataka kubera icyo kibazo, kikaba
gitangira akenshi iyo umuntu ageze hagati y’imyaka 20 na 40. Uretse ko
bishobora gufata abari munsi yiyo myaka cyangwa abayirengeje cyane cyane abari
hejuru ya za 70. Ubushakashatsi bugaragaza ko abagore bakunda kugira iki kibazo
kuruta abagabo.
Ni ibiki bitera
uburibwe mu menyo?
 |
| Ibice bigize iryinyo |
Nkuko twabibonye mu bice bigize iryinyo (Kanda hano ubashe kubona ibyo bice), iryinyo rigira igice cy’inyuma cyitwa Enamel,
kigafasha mu kurinda ikindi gice cy’imbere yacyo winjiramo imbere, cyitwa
Dentine. Kubera ko dentine ifite uduce dutwara amakuru ku bwonko, nitwo tumenya
nimba habayeho ubukonje cyangwa ubushyuhe ku ryinyo. Ubusanzwe iriya Enamel
niyo ituma tutumva ko haje ibintu bikonje cyangwa bishyushye. Iyo enamel
ivuyeho bituma kiriya gice cya dentine gisigara kitarinzwe. Ibyo bihita bituma
wumva ubukonje cyangwa ubushyuhe byihuse. Bikaba akenshi bibera ahantu ishinya
ndetse n’iryinyo bihurira. Bimwe mu bishobora gutera iki kibazo ni ibi
bikurikira:
·
Gusukura
mu kanwa ukoresheje ingufu nyinshi: Iyo ukoresha imbaraga nyinshi woza
amenyo yawe ndetse ukba ukoresha uburyo bwo gukuba ujyana inyuma mu bijigo
unagarura imbere, bituma cya gice cya Enamel kiva ku menyo yawe. Ahantu gikunda
guhita kivaho byihuse ni aho amenyo ahurira n’ishinya. Ubwo icyo gice
kihasigaye (ya dentine) gihita gitangira gutwara amakuru ko hari ikintu
kidasanzwe kije mu kanwa (yaba igikonje cyangwa igishyushye), ibyo bigatuma
wumva uburibwe.· Kuvaho kw’igice cy’iryinyo byatewe na aside: Rimwe na rimwe hari igihe cya gice cy’inyuma ku ryinyo kivaho bitewe n’ibyo wanyoye cyangwa wariye birimo za aside, aho twavuga nk’indimu, abantu bakunda kuruka kenshi. Ibyo bituma ya dentine isigara yonyine igaragara ku ryinyo, ubundi ukumva uburibwe.
· Ishinya yamanutse bidatewe n’indwara: Iyo ishinya yamanutse bituma imizi y’amenyo igaragara mu kanwa. Iyo mizi ntabwo igira igice cya enamel kiyirinda, iyo ubukonje cyangwa ubushyuhe buje buhita bubyara uburibwe ku buryo bwihuse.
· Indwara z’ishinya: Iyo ku menyo hafasheho imyanda, ishobora kuba imbarutso y’indwara z’ishinya. Iyo izo ndwara zigeze kure zituma ishinya igenda ishiraho ndetse bishobora kugira ingaruka z’uko igufwa rizengurutse iryinyo naryo rishiraho.
· Guhekenya amenyo: Akamenyero ko guhekenya amenyo nako gatera ka gace ka Enamel kuvaho, bituma Dentine isigara ariyo igaragara, ubundi umuntu akumva ububabare burigihe. Hano ushobora kudasobanukirwa no kumenya nimba uhekenya amenyo ariko umuntu murarana cyangwa mu bantu mu nzu yakubwira nimba uhekenya amenyo kuko akenshi biza nijoro utabizi.
· Iryinyo ryasadutse: iyo iryinyo ryasadutse bitewe n’ impanuka rikaba ryagera ku muzi, iyo rihuye n’ ubukonje cyangwa ubushyuhe bitera uburibwe.
· Guhindura amenyo yawe umweru ukoresheje imiti: abantu baka ubuvuzi bwo guhindura amenyo umweru, bitewe nuko amenyo atakaza imyunyungugu muri icyo gikorwa birangira umuntu agira uburibwe igihe ariye ibishyushye cyangwa ibikonje.
Comments