Skip to main content

Kuki abantu bagira ishinya z'amabara atandukanye?



Abantu twese ntitugira ishinya zisa, bamwe baba bafite izisa abandi zitandukanye. Ishinya ishobora gusa n'iroze ariko yarwara ikaba yahinduka igasa n'umutuku, umweru cyangwa umukara. Uzabibona kenci ko abantu bamwe bafite ishinya y’umukara bakunze guseka cyane. Abandi nabo ubona ko iyabo isa n’iroze ndetse n’umweru. Mu bihugu bimwe na bimwe kugira ishinya y’umukara bifatwa nkaho ari bimwe mu bintu biranga ubwiza, ariko ahandi ho ugasanga abo bantu bafite iyo shinya bafatwa nkaho ari indwara bafite. Hari ibintu byinci bishobora gutera ishinya guhindura ibara nubwo usanga rimwe na rimwe biba ari ibintu byatewe nuko umubiri wabo usanzwe uteye. Twifashishije imbuga nka watertower dental care ndetse na pulse live reka turebere hamwe bimwe muri byo.
Ishinya y’umukara 
Impamvu abantu bamwe bagira ishinya y’umukara, usanga biterwa nuko ishinya yabo yajemo melanin nyinci zikorwa na Melanocytes zo ziba ziri mu mubiri. Izo Melanin ubundi nizo zituma ishinya ndetse n’uruhu rwawe bisa nuko biri bitandukanye n’ibya mugenzi wawe, ariko byose bigaterwa n’ingano yiyo Melanin ibamo. Ubundi umuntu ufite ishinya y’iroze nawe aba afite izo Melanocytes zitanga ziriya Melanin ku ngano ihagije. Ku muntu rero ziriya Melanocytes zatanze Melanin nyinci birenze urugero (hyperpigmentation), bituma ishinya cyangwa uruhu bihindura ibara bikaba umukara.
Itabi n’imiti 
Abantu bamwe bagira ishinya yahinduye ibara bidaturutse ku miterere y'umubiri wabo ahubwo ari ukubera ko banywa itabi cyangwa bafata imiti irimo nka Minocycline cyangwa tricyclic antidepressants. Nubona ishinya yawe yatangiye guhindura ibara mu gihe watangiye kunywa umuti, ihutire kujya kwa Muganga nibishoboka baguhindurire.
Indwara zibasira ishinya zitandukanye 
Indwara yitwa Acute necrotizing periodontal disease iri mu bintu byatera ishinya y’umukara, ndetse nayo ubwayo bayitirira indwara y’ishinya y’umukara (black gum disease). Kubera ko iyo ndwara irangwa no kuba igice kimwe cy’ishinya kibora ku buryo kibura amaraso niyo mpamvu ishinya ihita ihinduka umukara. Hari n’ibindi bimenyetso nko kuva amaraso, kuribwa ndetse no kugira impumuro mbi mu kanwa. Hari ibindi bintu byiyongera ku isuku nke yo mu kanwa aho twavugamo nk’umunaniro, kunywa itabi, ubwandu bwa virusi zitandukanye. Iyo iyi ndwara itavuwe, ishobora kugutera ibibazo byo mu magufa. Indi ndwara twavuga ni Acute necrotizing ulcerative gingivitis, yo itera agahu gafite irindi bara kaza kakiyongera ku ishinya inyuma. Iyi ikaba iterwa n’isuku nkeya yo mu kanwa.
Ni iki gitera ishinya isa n’umweru? 
Ishinya y’umweru iterwa n’ibintu bitandukanye ariko icya mbere ni ibyitwa thrush ikaba yibasira mu kanwa ndetse ikaba izwi nka fungal infection of the mouth. Kugira ngo ukire icyo kibazo, ujya kwa Muganga w’amenyo akagufasha kubikuraho ndetse akanakugira inama y’icyo wakora kugira ngo ziriya fungi zitazagaruka. Ikindi kibazo gitera ishinya y’umweru harimo ikitwa leukoplakia, ikaba ari ikimenyetso cyuko umuntu agiye kurwara kanseri yo mu kanwa. Akenci kikaba giterwa no kunywa inzoga n’itabi. Iyo ufite ikibazo nkicyo bisaba kugera kwa Muganga akagufasha kugihagarika kitaragera kure.
Ese wabigenza ute ngo wirinde ibyo byose? 
Mu gihe ushaka kwirinda ko ishinya yawe yahindura ibara, ni byiza gusukura ishinya yawe kandi neza, kwoza amenyo ukoresheje uburoso n’akadodo kabugenewe ndetse no gusura Muganga w’amenyo rimwe mu mezi 6. Muri icyo gihe Muganga w'amenyo areba impinduka zishobora kuba zabaye ku menyo, ku ishinya ndetse no mu kanwa muri rusange kugira ngo nimba harimo ikibazo agufashe kugihagarika.

Comments

Post a Comment

Popular posts from this blog

Ibintu 10 amenyo yawe ashobora kukubwira ku buzima bwawe.

Burya mu kanwa kawe hasobanura byinci, witegereje amenyo yawe ndetse n’ishinya yawe ushobora kubona bimwe mu bimenyetso byakwereka ko ushobora kuba urwaye zimwe mu ndwara aho twavuga nk’indwara ya kanseri y’ibihaha, indwara z’umutima, indwara irangwa no kwibagirwa burundu (dementia). Twifashishije The good life, reka turebere hamwe icyo ibibazo bimwe na bimwe bishobora kukubwira ku buzima bwawe: 1.        Diabetes yo mu bwoko bwa 2 Indwara ikomeye y’ishinya yitwa Periodontitis ishobora kuba kimwe mu bimenyetso bya Diabetes yo mu bwoko bwa 2, ugendeye ku bushakashatsi bwo muri Gashyantare 2017 . Abashakashatsi bakoreye abantu barenga 300 b’urubyiruko basanga bafite ibibazo by’ishinya, kimwe cya kane(1/4) cy’abantu bakorewe muri ubu bushakashatsi bo bari ku rwego rwo hejuru ko bashobora kuba bafite diabete bitewe n’umubyibuho ukabije bari bafite. Umuntu umwe muri batanu bari bafite indwara ya Periodontitis ariko ntabwo yari yaragaragaweho mbere indw...
Post a Comment
Read more

Impamvu ushobora kuribwa n’amenyo mu gihe uriye cyangwa unyoye ibikonje cyangwa ibishyushye.

Amenyo ari mu bice bigize akanwa kacu. Adufasha mu guhekenya ibiryo tuba turi kurya. Rimwe na rimwe tujya twisanga amenyo yacu aturya mu gihe turiye cyangwa tunyoye cyane cyane ibishyushye cyangwa ibikonje. Akenshi umuntu uzumva ataka akubwira ko adashobora kunywa ibintu byo muri firigo cyangwa nk’icyayi gishyushye, yewe hari n’umuntu uba udashaka kuvuga ku mugoroba cyangwa mu gitondo hakiri kare kugira ngo akayaga katirukankira mu menyo. Ubwo buribwe buba buri mu menyo buba butandunye n’ubwo umuntu agira mu gihe iryinyo rye ryacukutse. Twifashishije urubuga dental health tugiye kurebera hamwe icyibitera ndetse n’icyo wakora. Abantu bagira icyo kibazo cy’uburibwe Abantu benshi usanga bataka kubera icyo kibazo, kikaba gitangira akenshi iyo umuntu ageze hagati y’imyaka 20 na 40. Uretse ko bishobora gufata abari munsi yiyo myaka cyangwa abayirengeje cyane cyane abari hejuru ya za 70. Ubushakashatsi bugaragaza ko abagore bakunda kugira iki kibazo kuruta abagabo. Ni ibiki biter...
Post a Comment
Read more