Igice cya gatatu: Sobanukirwa no gukoresha akadodo ko mu menyo

Gukoresha akadodo kabugenewe ku bantu bafite ibikoresho by’amenyo mu menyo yabo:

Abantu bafite ibikoresho byashyizwemo na Muganga mu menyo yabo kugira ngo amenyo yabo ajye ku murongo (orthodontic appliances and bridges), bagomba gusukura neza kuko ibiryo ndetse na bacteria zigenda zigafata kuri biriya bikoresho ndetse no hagati yabyo n’amenyo. Ni byiza rero ko bikorerwa isuku kugira ngo bitaba inzira yo kugutera indwara zitandukanye.

Muri ibyo bikoresho biri mu bwoko bw’ibikoresho bikurwamo (removable appliances) ndetse n’ibiba bifashemo (Fixed apliances). Ntabwo biba byoroshye gusukura ibyo bitavamo ariko ugomba kubikora kandi neza, ukoresheje uburoso ndetse n’akadodo kabugenewe. Ariko nkuko twabibonye muri iyi nkuru mu gice cyayo cya mbere, utudodo twose siko dukoreshwa n’aba bantu baba bafite ibyo bikoresho. Uzasanga bakoresha ubwoko bwa Superfloss kuko niyo bagenewe. Ndetse no mu gice cya kabiri twaberetse uko wakoresha turiya tudodo.

Sunika agace kiyo superfloss kitwa stiffened end hagati y’amenyo n’ibyo bikoresho.
Zengurutsa ako kadodo ku ntoki za Musumbazose, ugafate ugakomeze hagati y’igikumwe ndetse Mukubitarukoko(urutoki ruri hagati y’igikumwe na Musumbazose) z’ibiganza byombi,ukibuka gusigamo nka 2 Cm hagati y’izo ntoki.
Gahoro genda ukurura ujyana ugarura ako kadodo hagati y’amenyo.
Ufatiye ku ryinyo rimwe, kora ishusho ya “C” ukoresheje kariya kadodo, kugira ngo woze neza, genda uzamura ndetse unamanura uhereye mu ishinya hasi ugenda uzamura hejuru. Wongere ukorere iryinyo rindi ryegeranye n’iryo urangije, ugakomeza kugeza urangije amenyo yose.

Reba hano video ikwereka neza uko umuntu ufite biriya bikoresho yakora isuku:

Comments

Sobanukirwa n’ibibazo 15 amenyo yawe ashobora guhura nabyo.

Uburibwe bw’amenyo Amenyo ari muri bimwe mu bice by’umubiri bituma ubirwaye agira ububabare bwinci. Bamwe usanga bapfuka umunwa, abandi bakasama, abandi mu muyaga ugasanga bari gutaka. Benci nanone usanga bakoresha kujundika amazi y’akazuyazi, gukoresha akadodo bashaka gukura ibiryo hagati y’amenyo ndetse no kujya kugura imiti igabanya uburibwe. Nubwo wagura iyo miti ariko ntabwo uba ukuyeho ikibazo cyirimo kugutera ubwo buribwe, shaka Muganga w’amenyo agufashe kugikemura. Nimba ubona iruhande rw’iryinyo habyimbye cyangwa hari amashyira,cyangwa nimba wumva ufite n’umuriro, ibyo bishobora kuba ibimenyetso by’ikibyimba kandi byaguteza ibindi bibazo bikomeye. Jya kwa Muganga byihuse nkuko urubuga rwa webmd rubikugiramo inama kuri icyo kibazo ndetse n'ibi bindi bikurikira. Guhindura ibara kw’amenyo Nkuko twabivuze mu nkuru yacu yavugaga ku bintu bitera amenyo gusa nabi, twabonye ko guhindura isura y’iryinyo biterwa n’ibintu bitandukanye. Muri ibyo harimo ibiryo, imiti, it...

Kuki abantu bagira ishinya z'amabara atandukanye?

Abantu twese ntitugira ishinya zisa, bamwe baba bafite izisa abandi zitandukanye. Ishinya ishobora gusa n'iroze ariko yarwara ikaba yahinduka igasa n'umutuku, umweru cyangwa umukara. Uzabibona kenci ko abantu bamwe bafite ishinya y’umukara bakunze guseka cyane. Abandi nabo ubona ko iyabo isa n’iroze ndetse n’umweru. Mu bihugu bimwe na bimwe kugira ishinya y’umukara bifatwa nkaho ari bimwe mu bintu biranga ubwiza, ariko ahandi ho ugasanga abo bantu bafite iyo shinya bafatwa nkaho ari indwara bafite. Hari ibintu byinci bishobora gutera ishinya guhindura ibara nubwo usanga rimwe na rimwe biba ari ibintu byatewe nuko umubiri wabo usanzwe uteye. Twifashishije imbuga nka watertower dental care ndetse na pulse live reka turebere hamwe bimwe muri byo. Ishinya y’umukara Impamvu abantu bamwe bagira ishinya y’umukara, usanga biterwa nuko ishinya yabo yajemo melanin nyinci zikorwa na Melanocytes zo ziba ziri mu mubiri. Izo Melanin ubundi nizo zituma ishinya ndetse n’uruhu rwaw...

Impamvu ushobora kuribwa n’amenyo mu gihe uriye cyangwa unyoye ibikonje cyangwa ibishyushye.

Amenyo ari mu bice bigize akanwa kacu. Adufasha mu guhekenya ibiryo tuba turi kurya. Rimwe na rimwe tujya twisanga amenyo yacu aturya mu gihe turiye cyangwa tunyoye cyane cyane ibishyushye cyangwa ibikonje. Akenshi umuntu uzumva ataka akubwira ko adashobora kunywa ibintu byo muri firigo cyangwa nk’icyayi gishyushye, yewe hari n’umuntu uba udashaka kuvuga ku mugoroba cyangwa mu gitondo hakiri kare kugira ngo akayaga katirukankira mu menyo. Ubwo buribwe buba buri mu menyo buba butandunye n’ubwo umuntu agira mu gihe iryinyo rye ryacukutse. Twifashishije urubuga dental health tugiye kurebera hamwe icyibitera ndetse n’icyo wakora. Abantu bagira icyo kibazo cy’uburibwe Abantu benshi usanga bataka kubera icyo kibazo, kikaba gitangira akenshi iyo umuntu ageze hagati y’imyaka 20 na 40. Uretse ko bishobora gufata abari munsi yiyo myaka cyangwa abayirengeje cyane cyane abari hejuru ya za 70. Ubushakashatsi bugaragaza ko abagore bakunda kugira iki kibazo kuruta abagabo. Ni ibiki biter...

SEKA NEZA

Search This Blog