Skip to main content

Amakosa akomeye tujya dukora mu gihe twita ku menyo yacu.


Guseka ni igikorwa kigaragaza ko usanga umuntu yishimye. Buri wese aba afite uburyo asekamo, ariko hari igihe ugera ugasanga umuntu yahinduye uburyo asekamo. Ugasanga uwasekaga yirekuye, ageze igihe ajya aseka ashyize akaboko ku munwa kubera ko mu kanwa ke gafite ibindi bibazo bitandukanye harimo nk’ impumuro itari nziza, amenyo ye yarashizemo cyangwa se yarahongotse, mu menyo ye harajemo ibintu by’umuhondo ndetse n’umukara, n’ibindi bintu byashobora gutuma ukeka ko mugenzi wawe yakunyuzamo ijisho kuko uziko atari byiza.
Mu kwirinda ibyo byose, ni byiza gutangira ubu ukita ku menyo yawe ndetse no ku kanwa kawe muri rusange. Kwoza amenyo yawe neza ukoresheje uburoso ndetse n’akadodo kabugenewe, gusura Muganga w’amenyo rimwe mu mezi 6. Ariko ibyo byose icyo ugomba kumenya nuko isuku yo mu kanwa itangirira mu rugo.
Mu kwita ku menyo yawe rero, hari amakosa ugenda ukora nyamara bishobora kuba inandaro y’ibyashobora gutuma amenyo yawe yangirika kurushaho. Nkuko bigaragara ku rubuga rwa Boldsky hari amakosa tugiye kugarukaho kuko ushobora kuba uyakora yose cyangwa ukora rimwe muri yo.
Kwogesha uburoso utsindagira
Ni byiza ko dukoresha uburoso bw’amenyo nkuko bikwirye, ariko nubwo njye nawe dushobora kuba duhuriye kugukoresha uburoso byibura kabiri ku munsi, ntabwo duhuriye ku mbaraga dukoresha mu gihe cyo gusukura. Mu gihe ukoresha uburoso bwawe utsindagira ku menyo, ku bera imbaraga ushyiramo uburoso buhita butangira kwigonda.  Muri icyo gihe rero, ntabwo imyanda iva mu menyo neza ahubwo bituma ishinya yangirika.
Ntabwo twita cyane ku biryo turya. 
Ni kenci twumva ko ibiryo birimo amasukari biri mu bintu bitera amenyo yacu gucukuka. Nimba rero dushaka kugira amenyo ameze neza ni byiza ko dufata amafunguro arimo Karisiyumu (calcium), Fosiforasi (Phosphorous) ndetse na Furiworide (Fluoride). Muri ibyo biryo twavugamo nk’amata, imbuto, imboga, amafi, ibinyameke ndetse n’ibindi.
Ntabwo tujya dukoresha ibindi bintu byadufasha gusukura. 
Uburoso bwawe bwonyine ntabwo bushobora kumaramo imyanda yose yaba ku menyo cyangwa hagati mu menyo. Uburoso bwagufasha gusukura amenyo ariko nimba ushaka gusukura hagati y’amenyo koresha akadodo kagenewe gucishwamo. Nimba hagati y’amenyo yawe ari hanini, ni byiza gukoresha uturoso twagenewe gucisha hagati y’amenyo kitwa interdental toothbrush. Ushobora kwiyunyuguza mu kanwa ukoresheje Mouthwash.
Ntabwo twita ku ishinya. 
Nimba ishinya yawe imeze nabi, ntabwo amaraso atembera neza ngo agree muri buri gice, bityo bikaba byagutera indwara ya Periodontitis. Iyo ndwara rero, irangwa no kuva amaraso, ikabyimba, igatukura, ikanorohera ndetse n’amenyo yawe ashobora kujegejega.
Ntabwo tujya duharuza amenyo yacu. 
Ni byiza kwogesha amenyo yacu uburoso ndetse n’akadodo kagenewe kunyuzwa mu menyo hagati, ariko hari ibintu bifata ku menyo bidashoboka ko wowe ubwawe ubyikuriraho. Ibyo bintu bisa n’umuhondo cyangwa umukara (byitwa Calculus cyangwa tartar) bikurwamo na Muganga w’amenyo mu gikorwa njye nise “Guharura amenyo”. Ibyo byitwa calculus bifata ku menyo biba bikomeye cyane kuko biba byarakomejwe n’imyunyungugu iba yaturutse mu macandwe ndetse n’ibiryo. Iyo myanda rero iba ishobora gutera indwara z’ibice by’impande y’iryinyo (periodontal diseases).
Dutekerezako dukuze nta mpamvu yo gukosora ikibazo cy’impingikirane. 
Abantu bakuru usanga batinya gukoresha ibikoresho byo gukosora impingikirane (Dental braces) kugira ngo amenyo yawe ajye ku murongo, kuko batinya ko bitakunda ko yasubira ku murongo. Nagira ngo nkubwire ko n’abantu bakuru rwose bakoresha ibyo bikoresho. Nimba ufite amenyo atari ku murongo neza, ashobora kuzamo ibindi bibazo bitandukanye harimo nko gucukuka kwayo.
Duhekenya ibiryo dukoresheje uruhande rumwe. 
Burya guhekenya ibiryo bidufasha no gusukura amenyo. Nimba utari unabizi ubimenye kuko iyo urimo kurya, hari imyanda igenda iva ku menyo. Iyo rero wowe urimo kurya ukoresheje uruhande rumwe, urundi utarimo gukoresha usanga rwo rusa nabi bitandukanye n’urundi ruhande. Nawe imba ariko ubigenza, fata indererwamo urebe urasanga uruhande uriramo rudasa n’urundi ruhande udakoresha. Usanga uryo uriramo rusa n’umweru ariko urwo utakoreshaga ugasanga rwanduye rusa n’umuhondo kubera imyanda yahomyemo. Rwa ruhande rundi udahekenyeramo usanga rwibasirwa cyane no gucukuka kw’amenyo.  

Comments

Post a Comment

Popular posts from this blog

Ibintu 10 amenyo yawe ashobora kukubwira ku buzima bwawe.

Burya mu kanwa kawe hasobanura byinci, witegereje amenyo yawe ndetse n’ishinya yawe ushobora kubona bimwe mu bimenyetso byakwereka ko ushobora kuba urwaye zimwe mu ndwara aho twavuga nk’indwara ya kanseri y’ibihaha, indwara z’umutima, indwara irangwa no kwibagirwa burundu (dementia). Twifashishije The good life, reka turebere hamwe icyo ibibazo bimwe na bimwe bishobora kukubwira ku buzima bwawe: 1.        Diabetes yo mu bwoko bwa 2 Indwara ikomeye y’ishinya yitwa Periodontitis ishobora kuba kimwe mu bimenyetso bya Diabetes yo mu bwoko bwa 2, ugendeye ku bushakashatsi bwo muri Gashyantare 2017 . Abashakashatsi bakoreye abantu barenga 300 b’urubyiruko basanga bafite ibibazo by’ishinya, kimwe cya kane(1/4) cy’abantu bakorewe muri ubu bushakashatsi bo bari ku rwego rwo hejuru ko bashobora kuba bafite diabete bitewe n’umubyibuho ukabije bari bafite. Umuntu umwe muri batanu bari bafite indwara ya Periodontitis ariko ntabwo yari yaragaragaweho mbere indw...
Post a Comment
Read more

Impamvu ushobora kuribwa n’amenyo mu gihe uriye cyangwa unyoye ibikonje cyangwa ibishyushye.

Amenyo ari mu bice bigize akanwa kacu. Adufasha mu guhekenya ibiryo tuba turi kurya. Rimwe na rimwe tujya twisanga amenyo yacu aturya mu gihe turiye cyangwa tunyoye cyane cyane ibishyushye cyangwa ibikonje. Akenshi umuntu uzumva ataka akubwira ko adashobora kunywa ibintu byo muri firigo cyangwa nk’icyayi gishyushye, yewe hari n’umuntu uba udashaka kuvuga ku mugoroba cyangwa mu gitondo hakiri kare kugira ngo akayaga katirukankira mu menyo. Ubwo buribwe buba buri mu menyo buba butandunye n’ubwo umuntu agira mu gihe iryinyo rye ryacukutse. Twifashishije urubuga dental health tugiye kurebera hamwe icyibitera ndetse n’icyo wakora. Abantu bagira icyo kibazo cy’uburibwe Abantu benshi usanga bataka kubera icyo kibazo, kikaba gitangira akenshi iyo umuntu ageze hagati y’imyaka 20 na 40. Uretse ko bishobora gufata abari munsi yiyo myaka cyangwa abayirengeje cyane cyane abari hejuru ya za 70. Ubushakashatsi bugaragaza ko abagore bakunda kugira iki kibazo kuruta abagabo. Ni ibiki biter...
Post a Comment
Read more

Kuki abantu bagira ishinya z'amabara atandukanye?

Abantu twese ntitugira ishinya zisa, bamwe baba bafite izisa abandi zitandukanye. Ishinya ishobora gusa n'iroze ariko yarwara ikaba yahinduka igasa n'umutuku, umweru cyangwa umukara. Uzabibona kenci ko abantu bamwe bafite ishinya y’umukara bakunze guseka cyane. Abandi nabo ubona ko iyabo isa n’iroze ndetse n’umweru. Mu bihugu bimwe na bimwe kugira ishinya y’umukara bifatwa nkaho ari bimwe mu bintu biranga ubwiza, ariko ahandi ho ugasanga abo bantu bafite iyo shinya bafatwa nkaho ari indwara bafite. Hari ibintu byinci bishobora gutera ishinya guhindura ibara nubwo usanga rimwe na rimwe biba ari ibintu byatewe nuko umubiri wabo usanzwe uteye. Twifashishije imbuga nka watertower dental care ndetse na pulse live reka turebere hamwe bimwe muri byo. Ishinya y’umukara   Impamvu abantu bamwe bagira ishinya y’umukara, usanga biterwa nuko ishinya yabo yajemo melanin nyinci zikorwa na Melanocytes zo ziba ziri mu mubiri. Izo Melanin ubundi nizo zituma ishinya ndetse n’uruhu rwaw...
Post a Comment
Read more