Skip to main content

Ibyo gufungura bishobora kugufasha kugira mu kanwa hameze neza.



Iyo bavuze ko ugomba gufata indyo yuzuye baba bashaka kuvuga ko ugomba kurya ibiryo birimo intungamubiri zose zagufasha kugira imibereho myiza. Iyo ibiryo byawe bidafite byose umubiri ukeneye, usanga akanwa kawe kagira indwara zitandukanye kuko nta budahangarwa umubiri uba ufite wo guhangana. Indyo ituzuye ishobora gutuma urwara indwara zitandukanye z’ishinya ndetse no kwangirika kw’amenyo. Ibiryo birimo amasukari usanga bigira uruhare mu gucukuka kw’amenyo, aho ya sukari ihinduka ibiryo bya bacteria zo mu kanwa maze zigatanga acides. Iyo acides niyo ikoreshwa mu gucukuka kw’iryinyo ryawe. Nimba ushaka ko amenyo yawe adacukuka ntibivuze ko wacika kuri ibyo biryo kuko ari ingenzi ku buzima bwawe, ugomba kubirya cyangwa kubinywa mu rugero ndetse ukanamenya icyo gukora mu gihe wabiriye. Hari ubwoko bw’ibiryo n'ibinyobwa tugiye kuvugaho ndetse n’akamaro kabyo.
Amata n’ibiyakomokaho 
Mu bushashatsi bwakozwe na American Academy of General Dentistry muri Gicurasi na Kamena 2013, bugaragaza ko amata n’ibiyakomokaho bituma akanwa kacu gahorana ku buryo bungana ibinyabutabire ( byitwa Acides na Bases) bityo bikagabanya ibyago byo kugira amenyo yacukutse. Habaho kandi kongera ikorwa ry’amacandwe mu kanwa, ndetse ikindi cyiza nuko habamo Calcium na Proteines bidufasha gutuma igice cy’inyuma ku menyo yacu kuba gikomeye.
Imboga z’ibibabi 
Burya imboga z’ibibabi zikungahaye kuri Vitamines na Proteines ariko zikaba zifite ibitera imbaraga bike. Bimwe muri izo mboga bitanga calcium idufasha cyane mu gukomeza amenyo yacu ndetse na vitamines yo mu bwoko bwa B, aho ifasha gukiza indwara y’ishinya mu bagore batwite nkuko Medlineplus ibivuga.
Imbuto za Pommes 
Nubwo bwose tubwirwa ko ibintu biryohera tudakwiye kubifata kenci ariko urubuto rwa Pommes nubwo rwo ruryohera ariko rufite ibindi byiza umuntu yarubonamo, aho rwifitemo Fibers ndetse n’amazi. Mu gihe urimo kurya urwo rubuto, bituma mu kanwa kawe hazamo amacandwe bityo bikagufasha gukuramo za bacteria ndetse n’ibiryo byasigaye mu kanwa. Kiriya gice yifitemo cya Fibers cyo gifasha cyane ishinya yawe. Ntabwo bivuze ko ugiye kuva mu gusukura ukoresheje uburoso ngo nuko ubonye ko urubuto rwa Pommes rusukura, ahubwo byose bikoreshe mu rwego rwo kugira akanwa kameze neza. Ni byiza rero nimba bigushobokera, nujya umara kurya ujye ushyiraho n’urwo rubuto.
Karoti 
Kimwe na Pommes, karoti zo iyo uziriye ari mbisi, wumva zikocoka ndetse yuzuyemo za fibers nyinci. Kuyihekenya bifasha kongera amacandwe mu kanwa bityo ikaba yagabanya ibyago byo gucukuka kw'amenyo. Ikiyongera kuri ziriya fibers, karoti buriya ibamo Vitamines A nyinci. Ni byiza rero kujya urya n’izo karoti zidahiye.
Celery 
Imboga za celery zifite ubushobozi nk’ubwa karoti na Pommes aho zagufasha mu gusukura yaba mu gukura ibisigazwa by’ibiryo ndetse na bacteria mu menyo. Ikindi ubu bwoko bw’imboga bukungahaye kuri Vitamines A na C.
Icyayi 
Icyayi cy’umukara ndetse n’icy’icyatsi bifitemo ibinyabutabire byitwa Polyphenols zizwiho kubangamira ubwiyongere bwa bacteria zitera gucukuka kw’amenyo ndetse n’indwara z’ishinya. Idufasha no kugabanya umpumuro mbi mu kanwa. Icyayi cy’icyatsi cyo kigiramo ibindi bintu byitwa catechins yica za bacteria zishobora gutera ibintu bifata ku ryinyo (dental plaque). Twabonye ko ibintu biryohereye ari ikibazo ariko nko ku cyayi, biterwa n’ingano y’isukari ukoresha, incuro uyikoresha ndetse n’uburyo usukura nyuma yo kuyinywa.
Impeke za Sezame 
Kubera sezame ikungahaye kuri calcium, bituma igufwa riri impande z’iryinyo rikomera. Zishobora kugufasha no gukuraho biriya bintu bishobora gufatira ku menyo ndetse no gukomeza cya gice cy’inyuma ku ryinyo.
Ibitunguru 
Ibitunguru bifite ubushobozi bwo kurwanya za bacteria aho bikoresha ibinyabutabire bya Sulfur mu kuzica. Bigira akamaro kanini iyo biriwe bidatetse.
Ibihumyo 
Ibihumyo byifitemo lentinan, aho ikora nk’isukari ibuza ko mu kanwa habamo ifatira rya biriya bintu ku menyo yacu.
Ibirayi
Buriya ibirayi bikungahaye kuri Vitamines A bityo ikaba ari ingenzi mu gukora cyiriya gice cy’inyuma ku ryinyo ndetse ikanafasha ishinya yacu gukira udusebe.
Amazi 
Amazi ni ingenzi cyane dore ko abenci banayakoresha mu gihe bari kwiyuguza kuko afasha mu gukura ibiryo mu menyo. Amazi ni ingenzi mu gutuma ishinya yawe ihehera ndetse anatuma amacandwe akorwa neza ndetse ikaba iri mu bintu birwanya bacteria neza.  
Ibyo ni bimwe mu byo wakwifashisha ariko hashobora kuba hari n'ibindi wakwifashisha kugira ngo ugire mu kanwa hameze neza. Ugomba kumenya ko ikibazo si ibyo urya gusa, ahubwo n’igihe ubifatira nabyo ni ikindi kuko nacyo gishobora kugira ingaruka ku kanwa kawe. Ibiryo uzafata nkaho ari ifunguro ryawe ry’umunsi ntabwo bitera ikibazo ku menyo yawe. Ariko ibiryo uzafata buri kanya nabyo si byiza ku menyo yawe. Ushobora gufata ifunguro mu gitondo, wagera saa yine ukongera ugafata nka biscuits, wagera saa tanu ugafata nka bombo ndetse na saa sita ugafata ibiryo nk’ifunguro ryawe rya saa sita. Nagira ngo nkubwire ko atari byiza na busa ku menyo yawe. Impamvu nuko amacandwe menci avuburwa iyo turi gufungura, iyo ugenda ufata turiya tuntu buri saha bituma ariya macandwe atarekurwa nk’uko bisanzwe. Amacandwe adufasha gukura ibiryo biba byasigaye mu kanwa, kugabanya ubukana bwa Acides ishobora kwangiza amenyo yawe. Ni ngombwa rero kugabanya utwo tuntu ugenda urya cyangwa se wadushaka ugafata nk’imbuto, imboga ndetse n’ibikomoka ku mata.

Comments

Post a Comment

Popular posts from this blog

Impamvu ushobora kuribwa n’amenyo mu gihe uriye cyangwa unyoye ibikonje cyangwa ibishyushye.

Amenyo ari mu bice bigize akanwa kacu. Adufasha mu guhekenya ibiryo tuba turi kurya. Rimwe na rimwe tujya twisanga amenyo yacu aturya mu gihe turiye cyangwa tunyoye cyane cyane ibishyushye cyangwa ibikonje. Akenshi umuntu uzumva ataka akubwira ko adashobora kunywa ibintu byo muri firigo cyangwa nk’icyayi gishyushye, yewe hari n’umuntu uba udashaka kuvuga ku mugoroba cyangwa mu gitondo hakiri kare kugira ngo akayaga katirukankira mu menyo. Ubwo buribwe buba buri mu menyo buba butandunye n’ubwo umuntu agira mu gihe iryinyo rye ryacukutse. Twifashishije urubuga dental health tugiye kurebera hamwe icyibitera ndetse n’icyo wakora. Abantu bagira icyo kibazo cy’uburibwe Abantu benshi usanga bataka kubera icyo kibazo, kikaba gitangira akenshi iyo umuntu ageze hagati y’imyaka 20 na 40. Uretse ko bishobora gufata abari munsi yiyo myaka cyangwa abayirengeje cyane cyane abari hejuru ya za 70. Ubushakashatsi bugaragaza ko abagore bakunda kugira iki kibazo kuruta abagabo. Ni ibiki biter...
Post a Comment
Read more

Ibintu 10 amenyo yawe ashobora kukubwira ku buzima bwawe.

Burya mu kanwa kawe hasobanura byinci, witegereje amenyo yawe ndetse n’ishinya yawe ushobora kubona bimwe mu bimenyetso byakwereka ko ushobora kuba urwaye zimwe mu ndwara aho twavuga nk’indwara ya kanseri y’ibihaha, indwara z’umutima, indwara irangwa no kwibagirwa burundu (dementia). Twifashishije The good life, reka turebere hamwe icyo ibibazo bimwe na bimwe bishobora kukubwira ku buzima bwawe: 1.        Diabetes yo mu bwoko bwa 2 Indwara ikomeye y’ishinya yitwa Periodontitis ishobora kuba kimwe mu bimenyetso bya Diabetes yo mu bwoko bwa 2, ugendeye ku bushakashatsi bwo muri Gashyantare 2017 . Abashakashatsi bakoreye abantu barenga 300 b’urubyiruko basanga bafite ibibazo by’ishinya, kimwe cya kane(1/4) cy’abantu bakorewe muri ubu bushakashatsi bo bari ku rwego rwo hejuru ko bashobora kuba bafite diabete bitewe n’umubyibuho ukabije bari bafite. Umuntu umwe muri batanu bari bafite indwara ya Periodontitis ariko ntabwo yari yaragaragaweho mbere indw...
1 comment
Read more

Sobanukirwa n’ibibazo 15 amenyo yawe ashobora guhura nabyo.

Uburibwe bw’amenyo Amenyo ari muri bimwe mu bice by’umubiri bituma ubirwaye agira ububabare bwinci. Bamwe usanga bapfuka umunwa, abandi bakasama, abandi mu muyaga ugasanga bari gutaka. Benci nanone usanga bakoresha kujundika amazi y’akazuyazi, gukoresha akadodo bashaka gukura ibiryo hagati y’amenyo ndetse no kujya kugura imiti igabanya uburibwe. Nubwo wagura iyo miti ariko ntabwo uba ukuyeho ikibazo cyirimo kugutera ubwo buribwe, shaka Muganga w’amenyo agufashe kugikemura. Nimba ubona iruhande rw’iryinyo habyimbye cyangwa hari amashyira,cyangwa nimba wumva ufite n’umuriro, ibyo bishobora kuba ibimenyetso by’ikibyimba kandi byaguteza ibindi bibazo bikomeye. Jya kwa Muganga byihuse nkuko urubuga rwa webmd rubikugiramo inama kuri icyo kibazo ndetse n'ibi bindi bikurikira. Guhindura ibara kw’amenyo Nkuko twabivuze mu nkuru yacu yavugaga ku bintu bitera amenyo gusa nabi, twabonye ko guhindura isura y’iryinyo biterwa n’ibintu bitandukanye. Muri ibyo harimo ibiryo, imiti, it...
1 comment
Read more