Igice cya kabiri: Sobanukirwa no gukoresha akadodo ko mu menyo

Nkuko twabibagejejeho mu gice cya mbere cy’iyi nkuru yo gusobanukirwa no gukoresha akadodo kabugenewe mumenyo, twongeye kwifashisha urubuga toothclub tugiye gukomerezaho turebera hamwe uburyo wakoresha kano kadodo waba ukoresha intoki zawe cyangwa ukoresheje ka gakoresho kagufasha gucisha akadodo mu menyo yawe.

Gucisha akadodo mu menyo ukoresheje intoki zawe:

Koresha agace kako kadodo kareshya nko hagati ya 20 kugeza 25 cm z’uburebure. Fatira akadodo hagati y’igikumwe na Musumbazose z’ibiganza byose, ariko usige nka 2 cm hagati y’izo ntoki.
Nyuza akadodo hagati y’amenyo unyuzamo ujyana ndetse unagarura (sawing motion).
Fatira ku ryinyo maze ukore ishusho ya “C” noneho gahoro gahoro umanure ugezemo hasi mu ishinya kandi uzamure umanure ufatarira ku ryinyo. Nurangiza iryo ryinyo wongere ufate irindi riryegereye naryo urikorere.
Usukure irindi ryinyo riryegereye ku buryo bumwe nkubwo wakoresheje haruguru.Ugomba kumenya ko agace wakoresheje katongera gukoreshwa bitewe nuko kaba kamaze kwandura bacteria, ugomba gukoresha agashya.

Gucisha akadodo kabugenewe mu menyo ukoresheje agakoresho kakorohereza (floss holder):

Nyuza hagati y’amenyo ukoresheje kariya gakoresho gafasha neza gukoresha kariya kadodo (floss holder) iburyo n’ibumoso. Nyuzamo ariko wegeka akadodo ku mpande z’iryinyo byegeranye.
Hera mu ishinya mo hasi ugende unyuza ako kadodo hasi no hejuru usukura uruhande rw’iryinyo ryegereye iryo.
Nyuzamo akadodo gahoro wegeka ku ruhande rw’iryinyo ryegeranye.
Ku ryinyo byegeranye ongera ukoresha uburyo bumwe, uhere ku ishinya hasi ugende uzamura kandi umanura.
Sukura impande zose z’amenyo mu buryo bumwe nkubwo wakoresheje haruguru. Nimba hagati y’amenyo yawe harimo umwanya munini, ushobora gukoresha akandi gakoresho kitwa interdental brush.

Kanda hano kuri iyi video urebe uko ako kadodo gakoreshwa:

Comments

Impamvu ushobora kuribwa n’amenyo mu gihe uriye cyangwa unyoye ibikonje cyangwa ibishyushye.

Amenyo ari mu bice bigize akanwa kacu. Adufasha mu guhekenya ibiryo tuba turi kurya. Rimwe na rimwe tujya twisanga amenyo yacu aturya mu gihe turiye cyangwa tunyoye cyane cyane ibishyushye cyangwa ibikonje. Akenshi umuntu uzumva ataka akubwira ko adashobora kunywa ibintu byo muri firigo cyangwa nk’icyayi gishyushye, yewe hari n’umuntu uba udashaka kuvuga ku mugoroba cyangwa mu gitondo hakiri kare kugira ngo akayaga katirukankira mu menyo. Ubwo buribwe buba buri mu menyo buba butandunye n’ubwo umuntu agira mu gihe iryinyo rye ryacukutse. Twifashishije urubuga dental health tugiye kurebera hamwe icyibitera ndetse n’icyo wakora. Abantu bagira icyo kibazo cy’uburibwe Abantu benshi usanga bataka kubera icyo kibazo, kikaba gitangira akenshi iyo umuntu ageze hagati y’imyaka 20 na 40. Uretse ko bishobora gufata abari munsi yiyo myaka cyangwa abayirengeje cyane cyane abari hejuru ya za 70. Ubushakashatsi bugaragaza ko abagore bakunda kugira iki kibazo kuruta abagabo. Ni ibiki biter...

Ibintu 10 amenyo yawe ashobora kukubwira ku buzima bwawe.

Burya mu kanwa kawe hasobanura byinci, witegereje amenyo yawe ndetse n’ishinya yawe ushobora kubona bimwe mu bimenyetso byakwereka ko ushobora kuba urwaye zimwe mu ndwara aho twavuga nk’indwara ya kanseri y’ibihaha, indwara z’umutima, indwara irangwa no kwibagirwa burundu (dementia). Twifashishije The good life, reka turebere hamwe icyo ibibazo bimwe na bimwe bishobora kukubwira ku buzima bwawe: 1. Diabetes yo mu bwoko bwa 2 Indwara ikomeye y’ishinya yitwa Periodontitis ishobora kuba kimwe mu bimenyetso bya Diabetes yo mu bwoko bwa 2, ugendeye ku bushakashatsi bwo muri Gashyantare 2017 . Abashakashatsi bakoreye abantu barenga 300 b’urubyiruko basanga bafite ibibazo by’ishinya, kimwe cya kane(1/4) cy’abantu bakorewe muri ubu bushakashatsi bo bari ku rwego rwo hejuru ko bashobora kuba bafite diabete bitewe n’umubyibuho ukabije bari bafite. Umuntu umwe muri batanu bari bafite indwara ya Periodontitis ariko ntabwo yari yaragaragaweho mbere indw...

Sobanukirwa n’ibibazo 15 amenyo yawe ashobora guhura nabyo.

Uburibwe bw’amenyo Amenyo ari muri bimwe mu bice by’umubiri bituma ubirwaye agira ububabare bwinci. Bamwe usanga bapfuka umunwa, abandi bakasama, abandi mu muyaga ugasanga bari gutaka. Benci nanone usanga bakoresha kujundika amazi y’akazuyazi, gukoresha akadodo bashaka gukura ibiryo hagati y’amenyo ndetse no kujya kugura imiti igabanya uburibwe. Nubwo wagura iyo miti ariko ntabwo uba ukuyeho ikibazo cyirimo kugutera ubwo buribwe, shaka Muganga w’amenyo agufashe kugikemura. Nimba ubona iruhande rw’iryinyo habyimbye cyangwa hari amashyira,cyangwa nimba wumva ufite n’umuriro, ibyo bishobora kuba ibimenyetso by’ikibyimba kandi byaguteza ibindi bibazo bikomeye. Jya kwa Muganga byihuse nkuko urubuga rwa webmd rubikugiramo inama kuri icyo kibazo ndetse n'ibi bindi bikurikira. Guhindura ibara kw’amenyo Nkuko twabivuze mu nkuru yacu yavugaga ku bintu bitera amenyo gusa nabi, twabonye ko guhindura isura y’iryinyo biterwa n’ibintu bitandukanye. Muri ibyo harimo ibiryo, imiti, it...

SEKA NEZA

Search This Blog